Големата тениска тројка не е непобедлива, но… – Слободен печат
ОстанатoСпорт

Големата тениска тројка не е непобедлива, но…

Младите тенисери имаат шанси во дуелите против Федерер, Надал и Ѓоковиќ, смета францускиот тренер Патрик Муратоглу.

Големата тројка која ја сочинуваат Рожер Федерер, Рафаел Надал и Новак Ѓоковиќ повеќе од 15 години доминира во тенисот иако веќе сите се навлезени во четвртата деценија. Новиот бран на млади тенисери со прикажаните игри ветува дека конечно ќе успее да ја прекине нивната доминација и ќе бидат конкурентни во битката за титулите.

По финалето на УС Опен, во кое младиот Русин Данил Медведев го намачи Надал и загуби во пет сетови, повторно се актуелизираа приказните за прекинот на доминацијата на Ѓоковиќ, Надал и Федерер.

– Тие тројца се најдобрите тенисери во историјата, така што не е лесно да се победат. Луѓето велат дека младите немаат шанса против нив, но тоа не е вистина. Големата тројка не е непобедлива, но за некој од младите да освои трофеј од голем турнир како грен слем, најверојатно ќе мора да ги победи сите тројца или барем двајца од нив – смета тренерот на Серена Вилијамс, Патрик Муратоглу.

Оваа година сите грен слем титули заминаа во рацете на тенисерите од големата тројка, Ѓоковиќ триумфира на Австралија Опен и на Вимблдон, додека Надал победи на Ролан Гарос и на УС Опен.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close