Вечерва составот на МЗТ Скопје Аеродром го претрпе и петтиот пораз по ред во Србија од екипата на ОКК Нови Пазар со конечен резултат 79:70 (25:18, 23:15, 14:18, 17:19).

Последен пат „металците“ во регионалното кошаркарско натпреварување триумфираа на 15. јануари, но оттогаш играчите на тренерот Ѓорѓи Кочов редат само порази.

Олуџоби имаше „дабл-дабл“ учинок од 20 поени и 12 скокови, следен од Магдевски со 13 поени, а на спротивната страна во победничките редови Мелори реализираше 27 поени (пет скокови).

До крајот на регуларниот дел од сезоната популарните „штркови“ ќе имаат уште еден меч, на 11. март на домашен терен во СЦ „Јане Сандански“ против црногорскиот Ловќен Цетиње.

Моментно на табелата после 21. одиграно коло МЗТ е на второто место со 33 бодови, зад лидерот Борац (40), на третата позиција е Сплит (33), а на делба на четвртото место се Сутјеска и Широки Бријег со по 32 бодови.