Голем топлотен бран ја зафаќа Македонија: Издадени и препораки за заштита од пожари – Слободен печат
ВестиВи ПрепорачувамеМакедонија

Голем топлотен бран ја зафаќа Македонија: Издадени и препораки за заштита од пожари

Поради најавите за топлотен бран, од Дирекцијата за заштита и спасување вчера апелираа да се почитуваат превентивните мерки за заштита од шумски пожари и други пожари на отворен простор

Под влијание на топол бран што ќе ја зафати нашата држава од денеска се очекува многу топло време со температури кои на повеќе места ќе го надминат 35-тиот степен.

За денеска, синоптичарите најавуваат температури над 30 степен, а веќе утре и задутре на повеќе места максималните температури ќе бидат над 35 степени.

Од среда до петок во попладневните часови ќе има услови за локален пороен дожд и грмежи.

Поради најавите за топлотен бран, од Дирекцијата за заштита и спасување вчера апелираа да се почитуваат превентивните мерки за заштита од шумски пожари и други пожари на отворен простор.

Се апелира до граѓаните да не фрлаат цигари и догорчиња, стаклен отпад и стаклени шишиња, да не се пали оган на отворен простор и во шума, како и да не се палат стрништа и меѓи. На граѓаните им се препорачува доколку забележат пожар, веднаш да ја известат Територијалната противпожарна единица на бесплатниот телефонски број 193.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close