ГОЛЕМ ПОЖАР ВО БОЛНИЦА ВО БРАЗИЛ: Најмалку 11 пациенти загинаа (ВИДЕО)
Најмалку 11 пациенти загинаа во страшниот пожар во болницата Бадим во Рио де Женеиро.
Десетици пациенти и вработени во болницата се повредени, а меѓу повредените има и четворица пожарникари.
Пожарот избувнал во болницата Бадим во северниот дел на Рио околу 6.30 часот по локално време, а на ТВ-снимките се прикажани евакуирани пациенти кои лежат во креветите на улицата, опкружени со медицински сестри и доктори.
Причината за пожарот се чини дека е краток спој.
Од болницата соопштија дека во моментот на пожарот биле хоспитализирани 103 пациенти, а пожарникарите соопштиле дека најмалку 90 се пренесени во други болници. Пожарникарите биле во можност да го изгаснат пожарот за околу два часа, објавија локалните медиуми.