6 C
Скопје

Голем чин на културолошка интеграција – Портрет на Блаже Конески во грчкото списание „Карта“ (ВИДЕО)

Грчкото месечно електронско списание за литература „Карта“ објави феноменален портрет на Блаже Конески насловен „Житија на Блаже Конески“. Портретот е проследен со преводи на шест песни од поетската ризница на нашиот најистакнат книжевник и лингвист, именувајќи го какп „Корифеј на духовниот живот на соседна Северна Македонија“.

Истовремено уредништвото изрази жалење што преводите се посредувани, направени преку англиски преводи на поезијата на Конески, додавајќи: „бидејќи не знаеме македонски, а со цел песните на Конески да стигнат до грчкиот читател, овој избор беше направен и покрај неговите очигледни ограничувања. Нека се запише како уште еден парадокс меѓу многуте што ги карактеризираат односите меѓу Грција и Северна Македонија. Затоа што е несомнено парадоксално да се сретнеме со јазикот и културата на ближниот, со кого се поврзува заеднички историски тек со векови, преку трет, јазик. Да се ​​надеваме дека наскоро ќе има преведувачи кои ќе се заложат да ја препорачаат работата на Конески во нашата земја директно од оригиналот“, пишува во весникот.

Прочитајте и...  Растурена студентска корона журка во Загреб, 64 лица легитимирани, меѓу нив и болен од ковид

Пријателски интонираниот текст – илустриран со сјајниот портрет на академик Конески дело на Данчо Кал’чев – завршува со изразување надеж „Дека наскоро ќе има преведувачи кои ќе се заложат да ја препорачаат работата на Конески во нашата земја директно од оригиналот“.

Портретот на Блаже Конески е дело на академскиот сликар Данчо Кал’чев. Токму Кал’чев во „Утрински брифинг“ на „Слободна ТВ“ говореше за портретот на Конески.

-Јас лично не го запознав, но од она што го слушав од моите колеги, добив впечаток дека е многу благороден човек. Кога ми е беа понудени некои фотографии кои требаше да ги направам ја одбрав токму оваа. Таа фотографија има еден израз кој што за мене е приемчив и ја потенцира неговата духовност и мекост. Тие особености, карактерни психолошко на самиот лик се напишани и не треба нешто особено да се измислува, изјави во УБ, академскиот сликар Кал’чев.

Прочитајте и...  Полицискиот час го прекршиле 30 лица, а 494 не носеле маски

Инаку, Данчо Кал’чев е роден во Скопје 1957 година, каде што дипломира на педагошката академија во класата на сликарот Ванчо Георгиевски, а во 1984 година дипломира и на Факултетот за ликовни уметности во класата на Димитар Кондовски. Член е на ДЛУМ од 1984 година.

Со свои дела се претставил на самостојни изложби во Македонија, Германија, Австралија, учествувал и во бројни групни изложби во земјата и странство. Ликовната критика го смета за еден од најреномираните македонски сликари од средната генерација.

Проследете го целиот разговор со Данчо Кал’чев:

 

Поврзани вести

Вучиќ: Србија ќе биде велесила во производството на вакцини

Слободен печат

Лекарот на Навални предупреди дека неговото здравје се влошува

Слободен печат

ВИДЕО: Пентагон потврди, објавената снимка со НЛО е вистинска

Слободен печат

Чешка протера 18 руски дипломати, обвинети се дека работеле за специјални служби

Слободен печат

Вучиќ за нон – пејперот на Јанша: Ниту сум видел мапа, ниту пак план – се залагам за постојните граници

Слободен печат

Веља Невоља и Месар во паника: Пронајдена ДНК трага од нивна жртва – мислеа дека ако „нема тело – нема дело“

Слободен печат

Остави Коментар