Ѓоковиќ во финалето, за трофејот против Милман! (ВИДЕО)
Првиот тенисер на светот Новак Ѓоковиќ со победата над Белгиецот Давид Гофан од 6:3, 6:4 се пласираше во финалето на турнирот во Токио.
На дебито во главниот град на Јапонија дојде до самата завршница со нова убедлива партија, за точно еден час, по еден „брејк“ во двата сета.
За трофејот ќе се бори со Џон Милман од Австралија, кој претходно го совлада Американецот Рели Опелка со 6:3, 7:6 (7:4).
Србинот го обезбеди своето 110 финале во кариерата и в недела ќе атакува на 76 АТП титула. Турнирот во Токио, од серијата 500, се игра за награден фонд од 1.825.290 долари.
После овој турнирот најавено е дека Ѓоковиќ ќе настапи на мастерс турнирот во Шангај (Кина) на тврда подлога каде што ја брани титулата, а на стартот ќе игра со подобриот помеѓу Шаповалов и Тиафо.