Новаќ Ѓоковиќ оваа година на турнирите на земја има само една цел, триумф на вториот Гранд слем, Ролан Гарос, а настапите на Мастерс турнирите се во втор план. Како најголема пречка во остварувањето на целта го означи „кралот“ на земјените терени, Рафаел Надал.

– Цел ми е триумф на Ролан Гарос и тоа не е некоја тајна. Само на овој Гренд слем турнир имам еден триумф и би сакал барем уште еден трофеј. Рафа Надал е фаворит на сите турнири кои се играат на земја и тоа не се менува со години. Не е важно како се чувствува, следев неколку тренинзи на Рафа во Монте Карло и ми изгледа одлично. Доколку е физички подготвен тој дефинитивно е број 1 на оваа подлога, а после него се е отворено – вели Ѓоковиќ.

Ѓоковиќ уште еднаш изрази воодушевување од игрите на Роже Федерер кој и со 38 години е еден од најдобрите, а не ги заборави ни младите каде највеќе од сите, отскокнува Александар Зверев.

– Роже е еден од фаворитите, нормало поголми шанси има на останатите Гренд слем турнири но во минатото го освојувал и Ролан Гарос. Минатата година не играше на турнирите на земја, но неговата игра отсекогаш била врвна. Освен една година кога го смени рекетот и падна на 7,8 место и потоа се повреди па падна и до 15 место но и тогаш играше само за 10,20 проценти послабо од вообичаеното. Убеден сум дека Зверев е иден Гренд слем шампион, тој игра одлично годинава, а со тренер како Иван Лендл само ќе напредува – вели Ѓоковиќ.