Ѓоковиќ: Тим е комплетен, го гледав неговиот меч со Рафа!
Новак Ѓоковиќ вели дека Доминик Тим (Австрија) е комплетен играч и дека го очекува неизвесен меч во полуфиналето на АТП завршниот турнир во Лондон.
Српскиот ас со 6:3 и 7:6 (4) го совлада Германецот Александар Зверев и се пласираше во наредната фаза, а новиот дуел ќе го има денеска од 15.00 часот против австрискиот натпреварувач. Од 21.00 часот Данил Медведев (Русија) ќе се соочи со Рафаел Надал (Шпанија).
– Доминик е Грен слем шампион и доста напредуваше во играта на брза подлога, иако е специјалист за на земја. Доста брзо игра, применува напаѓачки тенис и ја има комплетната игра, се снаоѓа и на мрежа, може да погоди било кој агол на сервис. Го гледав неговиот меч со Надал, одигра фантастично. Имавме маратонски меч минатата година, се надевам дека ќе биде еден убав дуел и сега, само со поразличен исход – мислејќи Ѓоковиќ на минатогодишниот пораз од Тим во „тај-брејк“.
Од основната линија Србинот може и најдобро играше во првите седум гема на мечот со Медведев, од кој единствено загуби во групата.
– Да, во првите седум сега бев добар од основната линија, но Медведев е играч кој тера на долги размени, помалку греши и поразлична е ротацијата на топките кои ги испраќа во споредба со Зверев. Сега немаше толку долги размени, да, нив ги имаше, но генерално кога ми беше потребно, наоѓав клучен удар, прв сервис, го отворав теренот и го терав на грешки – додаде Ѓоковиќ.
