Ѓоковиќ со шампионски старт на „Вимблдон“ (ВИДЕО)
Ѓоковиќ го елиминираше 57 играч на светот, Филип Колшрајбер од Германија со резултат 3:0 по сетови 6:3, 7:5 и 6:3. Првиот светски рекет до победата во Лондон дојде после точно два часа и две минути.
Најголема неизвесност се водеше во текот на вториот сет, каде што Германецот отвори со предност од 2:0 се до 11 гем кога неговиот ривал му одзема сервис и поведе со 6:5.
No grass court preparations, no problem ?@DjokerNole defeats Philipp Kohlschreiber 6-3, 7-5, 6-3 to progress to the second round at #Wimbledon pic.twitter.com/lLJKnIkits
— Wimbledon (@Wimbledon) July 1, 2019
Ѓоковиќ после тоа без загубен поен го освои гемот на свој сервис и стекна позитива од 2:0. Нареден противник на Србинот ќе биде Денис Кудла кој на стартот го совлада Тунижанецот Малик Џазири со 6:4, 6:1 и 6:3.
На останатите дуели од машкиот турнир победи забележаа до сега уште Типсаревиќ, Андерсон, Лопез Баутиста-Агут, Опелка, Вавринка, Мајер, Дарсис и Сепи.
Кај жените успешни беа Херцог, Бузкова, Гаспарјан, Кенин, Кијз, Ватсон, Сакари, Свитолина, Јастремска, Мартиќ, Контавејт, Плишкова, Голубиќ, Рибарикова, Мухова, Бузарнеску, а седмата носителка Хале со 6:4 и 7:5 славеше против Белорусинката Саснович.