Ѓоковиќ со пцовки кон своите тренери: Кажи нешто пи*ка му материна – Слободен печат
ОстанатoСпорт

Ѓоковиќ со пцовки кон своите тренери: Кажи нешто пи*ка му материна

На Србинот не му оди според предвидениот план за време на Мастерсот во Лондон.

Новак Ѓоковиќ вчера загуби од Диминик Тим во неверојатен меч во кој се одиграа три сета (7:6,3:6,6:7). Со поразот, српскиот тенисер направи чекор назад во битката за првото место на АТП ранг листата, посебно откако денеска Надал со неверојатен пресврт успеа да го победи Данил Медведев.

Вчерашниот дуел со Тим освен по неверојатната игра на двајцата тенисери, го привлече вниманието на балканските медиуми и јавност и поради реакцијата на Ѓоковиќ.

Имено, во третиот сет при водство на Тим од 2:0 во гемови, Ѓоковиќ имаше испад откако освои еден поен. По одличниот сервис на Ѓоковиќ, Тим ја испрати топката во аут, по што следеше излив на емоции од страна на Србинот:

„Кажи нешто пи*ка му материна“ викаше Ѓоковиќ кон сопствената ложа во која се наоѓаа двајцата тренери, Маријан Вајда и Горан Иванишевиќ.
Не е јасно кон кого беа упатени овие зборови, но и двајцата тренери многу добро разбраа што кажа Ѓоковиќ.
Видеото со реакцијата на Ѓоковиќ можете да го погледнете ТУКА.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close