Новак Ѓоковиќ и натаму е непобедлив, првиот играч на светот го освои Мастерсот во Рим по петти пат во кариерата и шампионски е подготвен за настапот на „Ролан Гарос“ кој ќе започне наредната недела.

Светскиот рекет број 1 го подигна трофејот во Италија, ја зголеми предноста во однос на второпласираниот Рафаел Надал на АТП листата, а потоа во соблекувалната славеше со својата екипа.

Неговиот тренер Мариан Вајда го стави пехарот на глава, специјално за победничка фотографија.

View this post on Instagram

??❤️? ???

A post shared by Novak Djokovic (@djokernole) on Sep 21, 2020 at 11:34am PDT

– Условите беа тешки, особено на почетокот. Малку врнеше, имаше малку ветер и врева, ми требаше време да се навикнам. Генерално, не го покажав најдобриот тенис цела недела. Но, ја пронајдов својата игра кога ми требаше во решавачките моменти. Тоа ме прави многу среќен. Среќен сум што освоив уште една голема титула – рече Ѓоковиќ после финалниот дуел.

Српскиот тенисер стигна до својот 36 трофеј во Мастерс серијата, со што стана најдобар во историјата на тенисот во оваа категорија.

?????

Novak Djokovic wins his 5th title in Rome. ?? pic.twitter.com/K5shlCdJ0C

— US Open Tennis (@usopen) September 21, 2020

Вкупно 81 титула во кариерата, а воедно и нови 400 бодови, моментно има 11.260 (од наредниот понеделник), а ова значи дека сега неговата предност во однос на Надал е точно 1410 бодови.

Поради тоа додатно растат шансите да ја заврши 2020 година на првото место, и би се доближил уште повеќе до рекордот на Федерер по бројот на поминати недели на врвот.

Доколку без прекин го има тенискиот трон до 8 март 2021 година, и тој рекорд ќе биде надминат и Ѓоковиќ ќе стигне до фантастична бројка од 311.

Загарантирано му е првото место на АТП до 9 ноември, кога ќе има 293 недели на таа позиција. Во тој момент ќе му недостасуваат уште 18 за да го престигне Швајцарецот.

???? ????
? ?
? ?
???? ????
? ? ?
? ? ?
???? ????@DjokerNole stands alone…#IBI20 pic.twitter.com/4Aw68Ihuzp

— Tennis TV (@TennisTV) September 21, 2020

За српскиот ас следува Ролан Гарос кој Надал, „кралот на земјата“ го освои во последните три години.

Ѓоковиќ ќе се обиде да ја запре таа доминација на Рафа, ќе се обиде да освои повеќе поени за својот ранкинг. Тој минатата година стигна до полуфиналето и со тоа освои 720 поени во Париз.

Со пласман во финалето, тој би освоил уште 480, а со освојувањето на вториот Ролан Гарос во кариерата, дури 1280! Со освојувањето на парискиот слем турнир, Ѓоковиќ би станал првиот тенисер во историјата кој победил на секој грен слем барем двапати!