Најдобриот тенисер на светот уплати денеска пет милиони динари на Општата болница во Нови Пазар како помош во борбата против коронавирус.

Новак Ѓоковиќ, кој после „Адриа тур“, доби позитивен тест на Ковид-19, одлучи да му помогне на градот кој се наоѓа во тешка состојба.

Српскиот ас лично контактирал со управата на болницата и понудил дека „Фондацијата Ѓоковиќ“ веднаш ќе купи сè што е потребно за лекување на заразените.

– Ѓоковиќ денеска уплати пет милиони за набавка на заштитна опрема, лекови и медицински апарати, а договорот е да плати колку што е потребно следната недела – рече директорот на Здравствениот дом во Нови Пазар, Ервин Чоровиќ за „Танјуг“.

На почетокот на пандемијата, Ноле уплати еден милион евра помош на Србија за набавка на медицинска опрема, а тој исто така донираше значителни средства и во Италија, една од најпогодените земји од вирусот.