Повредата на рамото го спречи годинава да го освои трофејот на УС Опен, американските медиуми дури шпекулираат негова можна операција и на тој начин му е загрозено првото место на АТП ранг листата.

Далеку од тоа дека Новак помислува на пензија, но и заминувањето од тенисот и без надминати рекорди нема да го сфати како трагично.

– Дали рекордите се поважни од времето кое го поминувам со семејството? Дали се поважни од моето здравје или некои други работи? Не се! Целосно сум отворен и искрен, за многу нешта зборувам со сопругата, со родителите, браќата, луѓето кои ми се блиски, бидејќи сакам да сфатам како тие гледаат на сето тоа – вели Ѓоковиќ во интервјуто за „СНБС“.

Новак истакна дека неговите деца се најважни во светот.

– Татко сум на два ангели, времето кое го поминувам со нив ми е навистина драгоцено. Не сакам да поминувам низ живот и да сфатам дека не сум бил тука за нив, да пропуштам некои најважни нешта во нивното растење – додаде српскиот тенисер.

На прашање дали може да го замисли животот без тенис, Ѓоковиќ одговори:

– И да и не. Можам да замислам затоа што не се плашам од живот без тенис. И други нешта ме прават среќен, но исто така сум рекол не, затоа што и нема да има живот без тенис. И кога не би играл, ќе бидам и натаму активен во спортот. Сакам да имам своја академија, да ги пренесам сите мои искуства на новите генерации кои растат во Србија – заврши Ѓоковиќ.