Новаќ Ѓоковиќ одлучи да ги прекине шпекулациите поврзани со неговата повреда на рамото која ја здоби на УС Опен.

Во последните неколку денови, се појавија информации дека тој ќе мора да оди на нова операција на рамото која ќе го одвои од тениските терени до крајот на годината, но првиот тенисер на АТП ранг листата објави дека се наоѓа во процес на рехабилитација.

Hvala vam svima na velikoj podršci i interesovanju za stanje mog ramena. U procesu sam rehabilitacije i nadam se da cu biti spreman vec za sledeći turnir u Tokiju. Svakako vam se javljam sa novostima. Hvala vam još jednom ?

— Novak Djokovic (@DjokerNole) September 12, 2019

„Ви благодарам на сите за големата поддршка и интересирање за состојбата со моето рамо. Се наоѓам во процес на рехабилитација и се надевам дека ќе бидам подготвен за настап веќе на турнирот во Токио“, напиша Ѓоковиќ на својот Твитер профил.

Стартот на турнирот во Токио е закажан за 30 септември.