Со ова Ѓоковиќ се израмни со легендарниот американски тенисер Пит Сампрас кој исто така 286. недели беше на чело на АТП ранг листата и сега пред него се наоѓа само Рожер Федерер кој 310. недели ја предводеше листата на најдобри тенисери.

На новата АТП ранг листа, Новак Ѓоковиќ остана на 10.860 бодови и има 1.010 бодови повеќе од второпласираниот Рафаел Надал.

Главниот судија ја објасни дисквалификацијата на Ѓоковиќ

Ѓоковиќ нема по добро да го памети последниот настап на УС Опен бидејќи беше дисквалификуван поради удирање линиски судија со топче, но неделава го очекува настап на Мастерсот во Рим кој треба да претставува генерална подготовка пред ролан Гарос.

Доминик Тим со триумфот на УС Опен остана на третото место на АТП ранг листата но му се приближи на Надал и сега има 9.125 бодови, околу 700 помалку Шпанецот, а 1.700 помалку од Ѓоковиќ.

Историски пресврт на Тим за триумф на УС Опен

На четвртото место остана Рожер Федерер, а по него во топ 10 се наоѓаат уште и Данил Медведец, Стефанос Циципас, Александер Зверев, Матео Беретини, Гаел Монфилс, Роберто Баутоста Агут.