Ѓоковиќ: Сакам триумфи и во Рим и во Париз

EPA-EFE/KIKO HUESCA

Новак Ѓоковиќ со триумфот во Мадрид го прекина четиримесечниот пост, откако во јануари на Австралија Опен го крена шампионскиот пехар.

Ѓоковиќ одигра фантастично во Мадрид, на сите мечеви не загуби сет, а во финалето го совлада Гркот Стефанос Циципас, кој претходно приреди сензација со елиминацијата на Рафаел Надал.
Победата, според самиот Ѓоковиќ, значи зголемена самодоверба пред најважниот турнир на земјени терени, Ролан Гарос.

– Според мене, најважната победа во Мадрид ја остварив во полуфиналето против Доминик Тим. Тоа беше крајно неизвесен дуел кој беше одлучен во два тај брејка. Најважно ми е што успеав да освојам титула во овој дел од сезоната и со тоа самодовербата пред турнирот во Рим и нормално на Ролан Гарос, каде сакам да го играм својот најдобар тенис – вели Ѓоковиќ.

Најдобриот светски тенисер, доколку триумфира на Ролан Гарос,  по втор пат во кариерата ќе биде актуелен шампион на сите четири Гран слем турнири, Австралија Опен, Ролан Гарос, Вимблдон и УС Опен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот