Најдобриот светски тенисер, Новак Ѓоковиќ се наоѓа на само едно скалило од одбраната на титулата во Вимблдон откако во полуфиналето го совлада Шпанецот Роберто Баутиста Агут со 3:1  во сетови и тоа 6:2,4;6,6:3,6:2. Ова ќе биде шесто финале за Ѓоковиќ на Вимблдон или вкупно 25 гран слем финале во кое ќе ја брка 16. титула.

2011 ?
2014 ?
2015 ?
2018 ?
2019 ❓#Wimbledon | @DjokerNole pic.twitter.com/gmo8ghfeQg

— Wimbledon (@Wimbledon) July 12, 2019

Српскиот тенисер не дозволи по трет пат по ред да загуби од Баутиста Агут и за 2 часа и 48 минути успеа да го совлада шпанскиот тенисер.
Ѓоковиќ одлично го започна дуелот, доминираше од основната линија во првиот сет во кој успеа да направи два брејка за убедливи 6:2. Но во вториот сет, Шпанецот заигра далку подобро, направи брејк на стартот од сетот и успеа да ја сочува предноста до крајот и на најдобар начин го искористи падот во играта на противникот.

Во третиот сет, кога се одлучуваше победникот, пресуди искуството на првиот рекет на АТП ранг листата, направи брејк во шестиот гем за водство од 4:2 и рутински го приведе сетот до крајот, а во ист ритам продолжи во четвриот  сет кој го реши во своја корист со 6:2.

На крајот и статистиката беше на страната на Ѓоковиќ, тој имаше 42 винери и 23 неизнудени грешки, додека Баутиста Агут имаше 34 винери и 30 неизнудени грешки.

Противникот на Ѓоковиќ во финалето ќе биде познат по одиграњето на второто полуфинале помеѓу Надал и Федерер кои по јубилеен 40. пат ќе играат еден против друг.