Новак Ѓоковиќ ја оствари деветтата победа во десетте дуели со Димитров откако за еден час и 40 минути го совлада Димитров со 7:5,6:4. Противник во финалето на првиот тенисер на АТП ранг листата ќе му биде подобриот од второто полуфинале во кое се среќаваат Рафаел Надал и Денис Шаповалов.

Првиот сет помина во израмнета игра на двајцата тенисери кои немаа ниту една шанса за брејк, а сетот му припадна на Ѓоковиќ кој помалку грешеше. Во тајбрекот, Димитров имаше предност од 5:3 но Ѓоковиќ одговори со четири поени во низа што значеше и освојување на првиот сет.

Слична беше играта и во вториот сет, со тоа што во петтиот гем, Ѓоковиќ успеа да направи брејк и предноста ја задржа до крајот на сетот.