Ѓоковиќ пред финалето: Не знам дали ќе навиваат за мене!
Србинот за Доминик Тим вели дека е голем работник и неговата игра со многу удари потсетува на првиот светски рекет, Рафаел Надал.
В недела од 09.30 часот по македонско време во Мелбурн најдобриот српски тенисер ќе го игра своето осмо финале на „Австралија опен“, беше подобар во претходните седум завршни битки, а сега ривал му е Доминик Тим.
Австриецот Тим ги доби последните три меча против Новак Ѓоковиќ, но Србинот води во меѓусебните дуели со 6:4.
– Тим е еден од најголемите работници. Напредува во секој аспект на играта, и како поминува времето, секогаш се труди да биде најдобар. Особено на терени кои што се малку побрзи, кои помалку му одговараат. Сака да има време, со многу сила и ротација на удари, нешто слично како Надал – рече Ѓоковиќ.
Доби прашање од новинарите дали очекува поголема поддршка за него или Тим во финалето, тој одговори во свој стил.
– Не знам, ќе видиме. Не можам да предвидам дали публиката ќе навива за мене или не. Знам дека ќе ги имам нашите Срби и ќе ме поддржуваат. Сега независно дали поголемиот дел ќе биде за мене или не, знам што треба да направам во финалето – додаде Ѓоковиќ.