Ѓоковиќ по 50. пат се игра во осминафиналето на грен слем турнир
Бранителот на трофејот во три сета го елиминира Јапонецот, Јошихито Нишиока.
Новак Ѓоковиќ успешно ја помина и третата пречка во одбраната на титулата во Австралија Опен, победувајќи го Јапонецот Нишиока со 6:3,6:2,6:2 . Со триумфот над Нишиока, Ѓоковиќ по 50. пат обезбеди пласман во осминафиналето на грен слем турнирите.
Следен противник на Ѓоковиќ ќе биде Аргентинецот Диего Шварцман кој во три сета со 6:2,6:3,7:6 го совлада Душан Лајовиќ.
Во дерби дуелот на третото коло, Марин Чилиќ во пет сета со 6:7,6:4,6:0,5:7,6:3 го совлада Роберто Баутиста Агут.
Кај дамите, третото коло претставуваше вистински шок за фаворитките. Американката Серена Вилијамс загуби од Кинеската Кианг Ванг со 6:4,6:7,7:5.
Настапот во Мелбурн го заврши и Каролина Вознијацки исто во три сета е поразена од Жабер со 7:5,3:6,7:5.
Истата судбина на снајде и Медисон Киз која е поразена од Марија Сакари со 6:4,6:4.
За разлика од нив , првата носителка со 6:3,6:3 ја елиминира Рибакина, а Петра квитова беше поуспешна од Александрова (6:3,6:2).
Тинејџерската сензација Коко Гоф продолжува да ги изненадува фаворитките. Младата Американка со 6:4,6:3 ја елиминира грен слем шампионка, Наоми Осака.