Ѓоковиќ: Овој трофеј е за сите кои секогаш веруваа во мене!
Во неделата во „О2“ арената на Новак Ѓоковиќ му беше доделен пехарот за шеста година завршена на првото место на АТП листата. Невообичаено, овојпат без навивачи, без аплаузи, поради ситуацијата со ковид-19.
Пред настапот на Завршниот мастерс во Лондон каде што ја брка шестата титула, најдобриот светски тенисер им се обрати на фановите:
– Иако стојам овде сам, овој трофеј им припаѓа на сите членови на моето семејство, на мојот тим и навивачите, како и на луѓето кои секогаш веруваа во мене и кои неуморно ме поддржуваа на ова прекрасно патување. Многу сум среќен што славам нов голем успех овде во Лондон.
Even though I’m standing by myself here, this trophy equally belongs to all of my family, #TeamDjokovic, #NoleFam, and people who always believed in me and tirelessly supported me on this wonderful journey. I am very happy to celebrate another big milestone here in London. pic.twitter.com/GtL4dPZft5
— Novak Djokovic (@DjokerNole) November 16, 2020
Исто така, моите чувства се мешаат затоа што има многу луѓе кои минуваат низ тежок период во целиот свет. Секој е во моето срце со молитва сите да бидат здрави и среќни – напиша Новак на својот Твитер.
Денеска во рамките од групата „Токио 1970“ Ѓоковиќ ќе игра против Шварцман од 15.00 часот, а од 21.00 часот Медведев ќе ги одмери силите со Зверев.