Новак Ѓоковиќ наскоро ќе остане без еден од двајцата тренери, Горан Иванишевиќ кој има понуда да се врати во Хрватска и да стане селекторт.
Хрватите непосредно пред стартот на Дејвис Купот во Мадрид останаа без селекторот Жељко Крајан кој беше сменет од челниците на Федерацијата.

Хрватите во Мадрид ги предводеше активниот тенисер Франко Шкугор, кој нема намера да продолжи да ја извршува оваа функција се додека настапува на турнири.

Според хрватските медиуми, главен фаворит за селекторската функција е Горан Иваниевиќ кој веќе има поддршка од неколку тенисери.

– Немам проблеми со евентуалното ангажирање на Горан за селектор. Мене би ми било најмило доколку тој стане селектор – изјави Марин Чилиќ, кој во еден момент од кариерата работеше со Иванишевиќ.

Чилиќ единствениот грен слем трофеј го освои 2014 година, УС Опен, кога беше трениран токму од Горан Иванишевиќ, но две години подоцна се разделија.