Ѓоковиќ одбил понуда да игра за светска велесила
Таткото на Новак Ѓоковиќ, Срѓан пред ТВ екраните откри дека неговиот син имал можност да добие британски пасош и заедно со Енди Мареј да доминираат во Дејвис Купот.
– Јас и Дијана разговаравме со Британците. Нивната идеја беше да ги спојат Новак и Енди Мареј и долго да владеат во тенисот и да доминираат во Дејвис купот. Му нудеа британско државјанство. Сепак, Новак Ѓоковиќ е роден во Србија и никогаш нема да се откаже од својата земја. Не ги одбив веднаш, туку им кажав дека ќе разговараме со децата и ќе ги известиме подоцна – откри Срѓан Ѓоковиќ.
Кога приситигнала понудата за промена на државјанството, Новак Ѓоковиќ имал само 19 години и беше еден од најталентираните тенисери во тоа време.
– Им објаснив на децата, дека ќе имаат можност да живеат во Англија и ќе ги имаат најдобрите услови на светот. Знаете каков беше нивниот одговор? Никаков – додаде таткото на првиот тенисер на АТП ранг листата.