Ѓоковиќ нема да настапи на турнирот во Мајами

epa09027210 Novak Djokovic of Serbia in action during his Men's singles finals match against Daniil Medvedev of Russia on Day 14 of the Australian Open Grand Slam tennis tournament at Melbourne Park in Melbourne, Australia, 21 February 2021. EPA-EFE/DEAN LEWINS AUSTRALIA AND NEW ZEALAND OUT

Најдобриот светски тенисер вечерва ја информираше јавноста дека нема да биде дел од турнирот во Мајами (САД).

– За жал, нема да се натпреварувам на турнирот во Мајами оваа година. Времето со моето семејство никогаш не е доволно, па затоа решив да бидам со нив овој период затоа што пред мене се многу турнири и патувања со значајни рестрикции. Јас со нетрпение очекувам да дојдам во Мајами следната година – напиша Ѓоковиќ на „Твитер“.

Српскиот ас е на врвот на АТП-листата веќе 312-та недела, со 12.008 бода, рекордер во историјата на АТП.

Ноле не брани бодови во Мајами, па фактот дека нема да учествува на турнирот во Флорида оваа година, нема да влијае на неговиот биланс на бодови.

Турнирот АТП 1000 серија во Мајами ќе се одржува од 22 март до 4 април 2021 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот