Ѓоковиќ не сака привилегиран статус од организаторите на Австралија Опен
Организаторите на Австралија Опен со одлуката дел егзибициски мечеви да се играат во Аделаида, го навлекоа бесот на поголемиот дел од тенисерите и тенисерките кои ќе настапат во Мелбурн на првиот годинешен грен слем турнир.
Организаторот сакаше најдобрите тројца тенисери и тенисерки на АТП и ВТА ранг листите, задолжителниот двонеделен карантин да го поминат во Аделаида и потоа да одиграат егзибиски мечеви во овој град, но сега оваа идеја е доведена под знак на прашање.
„Марка“ тврди дека Новак Ѓоковиќ кога дознал дека заедно со Рафаел Надал, Доминик Тим и женските колеги, Ешли Барти, Симона Халеп и Наоми Осака, ќе бидат во Аделаида, реагирал кај организаторот и барал да има идентичен третман како и повеќето тенисери кои ќе играат на Австралија Опен во Мелбурн. Наводно Ѓоковиќ, барал сите да бидат еднакви и правилата да важат за сите, дури се заканил и дека ќе одбие да патува во Аделаида, поради што сега организаторот размислува да ја откаже егзибицијата.
„Марка“ ваквиот став на Ѓоковиќ го објаснува со податокот дека српскиот тенисер заедно со Васек Поспишил се освоначи на новата Асоцијација на професионални тенисери (ПТПА) и нивната цел е што поголема рамноправност кај тенисерите и поради тоа не постојат шанси тој да прифати да оди во Аделаида.
Ѓоковиќ деновите во карантин нема да ги помине во Мелбурн туку во друг град во Австралија