Ѓоковиќ не размислува за пензија – Слободен печат
ОстанатoСпорт

Ѓоковиќ не размислува за пензија

Членот на големата тениска тројка вели дека во последно време приоритет му се децата.

Вториот светски рекет на АТП ранг листата, Новак Ѓоковиќ изјави дека нема намера во најскоро време да замине во пензија и дека се уште ужива во спортот кој кој му донесе многу радости и трофеи.
Професионалната кариера на Ѓоковиќ трае 16 години и за тоа време освои 77 титули, од кои 16 се грен слем трофеи. Исто така го освои бронзениот медал на Олимписките игри во Пекинг во 2008 година, а со репрезентацијата на Србија во 2010 година триумфира и во Дејвис купот.

– Сакам уште долго да играм тенис. Не знам колку долго, но сакам тоа да потрае. Се надевам дека ќе се гледаше уште неколку години – изјави Ѓоковиќ.

Членот на големата тениска тројка вели дека во последно време приоритет му се децата, синот Стефан и ќерката Тара и сака што повеќе време да поминува со нив додека растат.

– Да бидеме искрени, немам никаква обврска и понатаму да играм. Можам да го напуштам тенисот уште утре. Татко сум на две деца от кои едното веќе има пет години и сакам да поминувам повеќе цвреме со нив. Сепак, и понатаму сум мотивиран да се натпреварувам – заклучи Ѓоковиќ.

Последниот предизвик за српскиот тенисер е настапот на завршниот Мастерс во Лондон кој стартува на 10 ноември и на кој негов триумф, а послаб пласман на Надал, може да се врати и на првото место на АТП ранг листата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close