Ѓоковиќ: Надал е главен фаворит за титулата на Ролан Гарос
Српскиот тенисер со триумфот на Мастерсот во Рим, го надмина Рафаел Надал на листата на играчи со највеќе грен слем титули и добрата форма ќе се обиде да ја потврди на Ролан Гарос.
Главен ривал на Новак Ѓоковиќ во атакот на 18. грен слем титула ќе му биде токму Надал кој е актуелен шампион на Ролан Гарос.
Титула за нов рекорд: Ѓоковиќ испиша историја во Рим! (ВИДЕО)
Иако на турнирот во Рим, Надал е елиминиран во четвртфиналето, според Ѓоковиќ сепак Шпанецот е главен фаворит за титулата.
– Иако загуби во Рим, лично сметам, но со моето мислење ќе се согласат и останатите, дека Рафа Надал е фаворит број еден на Ролан Гарос. Поради рекордот кој го собори во Париз, поради неговите резултати, сметам дека никој не може да биде пред него – изјави Ѓоковиќ.
Ѓоковиќ го означи Надал како главен фаворит, но сепак не смета дека Шпанецот е непобедлив на Ролан Гарос, а тоа го потврди и Диего Шварцман на Мастерсот во Рим.
– Од друга страна, Диего Шварцман во Рим покажа дека Надал може да се победи и на земјени терени. Иако Надал го гледам како главен фаворит за титулата, мислам дека има тенисери кои можат да го победат на Ролан Гарос. Ќе биде интересно – вели Ѓоковиќ.
Последниот грен слем оваа година ќе започне во недела, а титулата ќе ја брани Рафаел Надал кој минатата година во финалето го совлада Доминик Тим.
