Ѓоковиќ на заслужен одмор по триумфот на Вимблдон
Новак Ѓоковиќ само неколку денови откако го совлада Рожер Федерер на Вимблдон, замина на одмор во Шпанија, Ѓоковиќ заедно со сопругата Јелена, синот Стефан и ќеркичката Тара од Лондон, отидоа на Марбеља.
Тенисерот се одлучи за Марбеља бидејќи таму живее неговиот помлад брат Марко,а заедно со нив е и третиот брат Ѓорѓе кој вчера го прослави 24. роденден.
Шпанското летувалиште е омилена дестинација за одмор на Новак Ѓоковиќ и тука редовно ги полни батериите за продолжението на тениската сезона и настапот на последниот годинешен грен слем турнир, УС Опен.
Првиот тенисер на АТП ранг листата има обичај по секој грен слем турнир да замине на одмор, а по елиминацијата во полуфиналето на Ролан Гарос, тој одмораше во Доминиканската република.
Наредниот турнир на кој Ѓоковиќ ќе настапи е Роџерс купот кој се игра Монтреал, Канада од 2 до 11 август.
