Дебатата околу големата тројка која ја сочинуваат Рожер Федерер, Рафаел Надал и Новак Ѓоковиќ, за тоа кој е најдобар во историјата, сè уште трае. Сите тројца тенисери имаат различни стилови на игра, имаа свои периоди во кои доминираа и поради тоа дебатата за тоа кој е најдобар ќе трае, а сега се вклучи и Барбара Шет.
– Мислам дека битката за тоа кој ќе има највеќе грен слем титули ќе се води помеѓу Рафа и Новак. Можеби Рожер мисли дека може барем уште еднаш да победи на Вимблдон, но ќе биде тешко да го оствари тоа поради неговите години но и бидејќи долго време беше надвор од тенисер поради повреда. Бо сакала да го видам да освои барем уште еден Вимблдон, но долго време е надвор од тенисот и ќе има големи проблеми доколку игра мечеви во пет сетови – изјави Шет за „тенис 365“ која потоа го даде своето мислење за тоа кој ќе има највеќе грен слем титули.
– Еден дел од одлучувањето за тоа кој ќе биде најдобриот тенисер во историјата ќе биде и бројот на освоени грен слем титули. И Новак и Рафа според мене изгледаат физички добро за мене и мислам дека Ѓоковиќ на крајот ќе ги помине Надал и Федерер – додава Шет.

Моментно на врвот на листата со највеќе освоени грен слем титули се наоѓаат Надал и Федерер со по 20 трофеји, додека Ѓоковиќ има 18 грен слем титули.
– Мора да им оддадеме признание на оваа голема тројка, неверојатно е тоа што го направија за тенисот. Никогаш повеќе нема да доживееме вакво нешто. Не е важно дали ќе освојат 21,22 или 23 грен слем титули бидејќи засекогаш ќе бидат запомнети како најдобри со својата ера и тоа е едноставно феноменално.