Ѓоковиќ: Ќе морам да разговарам со Роже и со Рафа
Станува збор за две речиси исти натпреварувања кое се одржуваат во период од 40 дена и претседателот на советот на играчи, Новак Ѓоковиќ, смета дека такво нешто не може да функционира во иднина. Ѓоковиќ кој со Србија настапуваше на Дејвис купот на кој триумфира Шпанија, порача дека ќе почека да заврши и АТП купот во јануари пред да донесе одлука. Тој најави дека пред да го донесе официјалниот став на советот на играчи, ќе разговара со Федерер и Надал.
– Не сум разговарал за ова со Рафа и со Роже бидејќи одлуката е донесена од порано. Како што е познато ИТФ и Космос одлучија да го променат форматот, а АТП си направи ново куп натпреварување кое ќе го видиме во јануари. Мислам дека многу врвни тенисери ќе бидат таму и тогаш ситуацијата ќе биде појасна. Како и да е, мислам дека челниците на АТП и на ИТФ ќе мора да седнат и да разговараат – изјави Ѓоковиќ.
Очекувањата се дека срредбата на големата тројка која доминира на тениските терени во последните 15 години, ќе биде клучен во одредувањето на ставот на тенисерите кој подоцна ќе им биде презентиран на челниците на АТП и на ИТФ.
– Ќе разговарам со Роже и со Рафа и ќе побарам нивно мислење. Ние сме дел од Советот на играчи, иако не носиме одлуки. Луѓето мислат дека ние тројца ги носиме одлуките, а тоа не е вистина. Вистината е дека нашите размислувања и идеи се ценат – потенцира Ѓоковиќ.