Ѓоковиќ ќе ја заврши годината на врвот на АТП листата!
Новак Ѓоковиќ ќе ја заврши 2020 година на првото место на АТП, соопшти денеска Здружението на професионални тенисери. Српскиот тенисер се израмни со рекордот на Американецот Пит Сампрас, кој исто така ја завршуваше сезоната шест пати (1993-1998 година) како прв тенисер во светот.
Ноле беше шест пати прв на крајот на годината во последната деценија (2011, 2012, 2014, 2015, 2018, 2020), а како 33-годишник е најстариот тенисер кој ја завршил годината на врвот на светската ранг-листа.
– Ги гледав настапите на Пит додека растев и израмнувањето на неговиот рекорд е остварување на сонот. Исто така, ќе се стремам да бидам подобар играч, се надевам дека ќе имам повеќе успеси и ќе соборам повеќе рекорди во спортот кој го сакам со сето срце – рече Ѓоковиќ, се наведува на веб-страницата на АТП.
? ATP Cup
? Australian Open
? Dubai
? Cincinnati
? Rome@DjokerNole is the year-end No. 1 in the @FedEx ATP Rankings for a record-tying sixth time! ? pic.twitter.com/rcoESMCwvX— ATP Tour (@atptour) November 6, 2020
Ова е 10 пат во последните 11 години како прв тенисер на светот годината да ја заврши или Ѓоковиќ или Шпанецот Рафаел Надал. Британецот Енди Мареј беше најдобар во 2016 година.
Ѓоковиќ ќе ја започне 294 недела на првото место на АТП-листата в понеделник, а доколку ја задржи таа позиција, на 8 март 2021 година, ќе биде рекордер и ќе го престигне Швајцарецот Рожер Федерер кој беше на врвот вкупно 310 недели.
Годинава оствари 39 победи и претрпе три порази. Ѓоковиќ во првите 26 мечеви од сезоната ги освои титулите на „Австралија опен“, во Дубаи, Синсинати и Рим, како и АТП-купот со репрезентацијата на Србија. Тој исто така беше финалист на „Ролан Гарос“.
Според најавите ќе настапи годинава ќе настапи и на завршниот АТП турнир, кој ќе се одржи од 15 до 22 ноември во Лондон.