Ѓоковиќ: Јас и Федерер не сме пријатели
На само еден ден пред стартот на УС Опен, повторно почнаа расправиите околу најдобрите тенисери во историјата. Нормално, во трката се три имиња кои важат за фаворити за триумф на УС Опен, Рожер Федерер, Рафаел Надал и Новак Ѓоковиќ.
Свој коментар на оваа тема даде бранителот на трофејот Новак Ѓоковиќ кој истакна дека не е добар пријател со Федерер.
– Имаме добар однос, но не сме пријатели и не вечераме заедно. Но, ние сме колеги се почитуваме. Не е лесно да се биде пријател со некој кој ти е голем ривал на терените – вели Ѓоковиќ, кој објасни зашто не е можно да се избере најдобриот тенисер во историјата:
– Не можете да го споредувате тенисот пред 50 години и сега. Род Лејвер, Џон Мекинро, Џими Конорс, Иван Лендл сите тие играле со дрвени рекети и тогаш се играше сосема поинаков тенис. Кој знае колку би биле добри во сегашниот тенис?