Ѓоковиќ ја откри главната цел до крајот на кариерата!
Новак Ѓоковиќ ја започна 286 недела на самиот врв на АТП ранг листата и така го престигна легендарниот Американец и негов идол, Пит Сампрас.
Пред српскиот ас е само Швајцарецот Рожер Федерер со 310 недели на првото место, но најдобриот светски тенисер има повеќе цели.
– Мојата најголема цел останува да освојам најмногу грен слем турнири. Да го надминам рекордот на Федерер – рече Ѓоковиќ во Рим, каде ќе учествува на Мастерсот.
Надал проговори за дисквалификацијата на Ѓоковиќ: Жал ми е за Новак
Моментно Ѓоковиќ има 17 трофеи на најзначајните турнири, односно два помалку од Рафаел Надал (Шпанија) и три од Федерер.
После дисквалификацијата на „УС Опен“, каде беше главен фаворит и сите го гледаа на тронот, шанса за поправен ќе има на „Ролан Гарос“ кој ќе стартува во следната недела.
– Рафа е фаворит. Веднаш зад него е вториот, Доминик Тим – додаде Ноле.
Пред патувањето за Париз, Србинот ќе се обиде да се загрее шампионски во Рим, а на стартот во второто коло ќе игра со подобриот од мечот Тенис Сандгрен (САД)-Салваторе Карузо (Италија).