Ѓоковиќ ја дозна најдобрата можна вест пред „Ролан Гарос“
Кристиан Гарин денеска го елиминираше Русинот Данил Медведев на Мастерс турнирот во Мадрид со победа од 2:1 (6:4, 6:7, 6:1).
После овој триумф на Чилеанецот стана јасно дека Новак Ѓоковиќ ќе остане и натаму на врвот на АТП листата до грен слем турнирот „Ролан Гарос“ (30 мај – 13 јуни 2021 год.)
На почетокот од денешниот дуел, Медведев имаше проблем со крварење од носот, во тој дел од мечот му дозволи „брејк“ на противникот, што значеше освоен сет за водство на Гарин.
Во вториот сет Медведев успеа да израмни преку тај-брејкот, а во последниот решавачки добрата игра на Русинот не не траеше долго. Двапати загуби на свој сервис и не можеше потоа да се врати.
Гарин во четвртфиналето ќе игра со подобриот од пресметката Беретини – Делбонис.