Новак Ѓоковиќ доби признание за неверојатните сезони во кои доминираше во изминатите години. Тој од почетокот на деценијата беше доминантен на тениските терени, во 2011 година за прв пат стана прв тенисер на АТП ранг листата и истата година успеа да освои три грен слем титули.

Од 16 грен слем трофеи кои ги има во своите витрини, дури 15 ги освои оваа деценија и е далеку пред најголемите конкуренти Роже Федерер и Рафаел Надал, од кои и повеќе време помина на првото место на АТП листата.

Освен во 2011 година, Ѓоковиќ беше доминантен и во 2015 и првата половина од 2016 година кога успеа ги „врзе“ титулите на сите четири грен слем турнири со што стана првиот тенисер по Род Лејвер со вакво постигнување.

Дури ни кризата која започна по триумфот на Ролан Гарос 2016 и траеше се до минатата година не го засени впечатокот дека Ѓоковиќ беше најдобар тенисер во последните 10 години.