Ѓоковиќ и Надал секој поен го играат како да им е меч топка
Хрватскиот тенисер Марин Чилиќ, објаснува зошто Новак Ѓоковиќ и Рафаел Надал се разликуваат од останатите тенисери.
Чилиќ не успеа да обезбеди пласман во финалето на турнирот во Сингапур, тој загуби од Алексеј Попирин со 7:6,7:6 и за азиските медиуми зборуваше за најдобрите тенисери на денешницата.
Хрватот е воодушевен од играта на Новак Ѓоковиќ и Рафаел Надал.
– Би рекол дека Рафа и Новак се доста слични по интензитетот на играта. Тие секој поен го играат како да им е меч топка – вели Чилиќ кој открива дека тие се разликуваат од останатите и по уште една работа.
– Новак и Рафа се најдобри и во создавањето притисок. Доколку го следевте финалето на Австралија Опен со Данил Медведев, видеовте дека Новак го стави својот противник под притисок уште од првиот поен. Секогаш чѕвствувате како врши притисок врз вас. Кога играте на грен слем турнир против нив двајца, морате да играте во таков ритам четири, пет часа, тие го можат тоа, но дали вие сте способни за такво нешто. Покрај нивните способности, притисокот кој со создаваат врз противниците е клучен елемент и затоа се толку успешни.