За Новак Ѓоковиќ иднината на тенисот е сигурна бидејќи по заминувањето на големата тројка (Ѓоковиќ, Надал, Федерер) во пензија, нов лидер и предводник ќе биде Стефанос Циципас кого го совлада во финалето на турнирот во Дубаи.

– Потполно го разбирам процесот низ кој Циципас поминува во моментов, тој се запознава со себе си, учи, созрева и потоа почнува да разбира што е добро за животот и кариерата. Иако е многу млад, сепак е доволно возрасен и мудар како човек. Кога велам дека е млад, мислам на професионалниот спорт, но тој веќе е дел од нас одреден период – зборува Ѓоковиќ за својот наследник.

Србинот исто така открива што му кажа на Циципас откако го победи во финалето.
– Тој е многу паметно, мудро момче. По нашиот дуел му реков дека токму тоа највеќе го сакам кај него. Го сакам податокот дека тој е повеќе од професионален тенисер, бидејќи секогаш се обидува на научи од секоја ситуација и постојано сака да научи нешто ново за да може да напредува, да биде уште подобар – вели Ѓоковиќ.

Новак Ѓоковиќ кој во неделата го освои 79. шампионски пехар во кариерата е импресиониран од младиот грчки тенисер и не престанува со пофалбите.

– За мене токму тие одлики, постојано да учи од секоја ситуација – се одлики на шампионите. Стефанос има потенцијал да биде светски тениски рекет број 1, да го освојува најголемите турнирии и да биде амбасадор на нашиот спорт. Тој уште сега е вистински амбасадор на тенисот, но исто така има и фантастична иднина пред себе – потенцира Новак.