Ѓоковиќ го прифати предизвикот на Шарапова

EPA-EFE/YOAN VALAT

Руската тенисерка вели дека месец јануари во Австралија беше нејзин дом вкупно 15 години и дека е тажна што се случува моментно во оваа земја.

Најдобриот српски тенисер Новак Ѓоковиќ го прифати предизвикот на Марија Шарапова да донира пари како помош за Австралија која е погодена од катастрофалните пожари.

Руската тенисерка во неделата емотивно се обрати пред јавноста, а потоа му испрати порака на Ѓоковиќ.

– Месецот јануари во Австралија беше мој дом во последните 15 години. Гледајќи како пожарите ја уништуваат земјата, нејзините прекрасни семејства и заедници на животни длабоко ме растажуваат. Би сакала да започнам со своја донација од 25 илјади. Новак, дали ќе се израмниш со мојата донација?

Еден ден подоцна, дојде и одговорот на вториот светски рекет:

– Да, јас би сакал да ја израмнам твојата донација од 25.000 долари, да ја удвојам помошта испратена до овие заедници. Австралија, со тебе сме.

Сето ова доаѓа непосредно пред стартот на првиот грен слем сезонава „Австралија опен“ за кој Ноле побара да се одложи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот