Ѓоковиќ без тренинг до нова титула на „Австралија опен“!?

epa08996060 Novak Djokovic of Serbia in action during his first Round Men's singles match against Jeremy Chardy of France on Day 1 of the Australian Open Grand Slam tennis tournament at Melbourne Park in Melbourne, Australia, 08 February 2021. EPA-EFE/DAVE HUNT AUSTRALIA AND NEW ZEALAND OUT

По повредата која ја доживеа против Американецот Тејлор Фриц, Новак Ѓоковиќ стисна заби и забележа веројатно две неочекувани победи, со оглед на околностите.

Најдобриот тенисер на светот на „Австралија опен“ во Мелбурн прво го совлада Милош Раониќ, а потоа Александер Зверев во четвртфиналето, обајцата во четири сета, а сега откри уште еден дел од својата стратегија.

Секако, сите се заинтересирани за состојбата на неговата повреда, па по победата против Зверев, српскиот ас зборуваше и за тоа:

– Опоравувањето е мој приоритет. Да користам што е можно повеќе време за опоравување и да не трошам премногу енергија. Не можам да направам ненадејни движења, па така нема ни во среда да тренирам! Никогаш не сум имал ваква повреда за време на грен слем турнир. Само се обидувам да одам чекор по чекор. Позитивната работа е што, од мечот против Фриц, се чувствував најдобро од вториот сет. Тоа значи дека тргнав во добра насока и се надевам дека ќе останам ист за два дена. Сакам да продолжам со мојата рутина и подготовка. Мислам дека не морам да тренирам или работам на што било. Имам доволно тенис во последно време, јас сум во ритам – рече Ѓоковиќ.

В четврток во полуфиналето ќе се сретне со Русинот Аслан Карацев, а дуелот треба да започне во 09.30 часот по средноевропско време. Втората полуфинална двојка ќе ја дознаеме утре после мечевите Рубљов-Медведев и Циципас-Надал.

Австралија Опен: Ѓоковиќ преку Зверев до полуфиналето

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот