Тетовските „црвено-црни“ утре ќе се обидат да направат изненадување во третото квалификациско коло на Лига Европа и повторно во нивната клупска историја се најдат на само еден чекор од групна фаза во ова натпреварување.

Тренерот на Шкендија, Ернест Ѓока со нетрпение го очекува натпреварот в четврток (24 септември) против Тотенхем од 20.00 часот на Националната Арена „Тодор Проески“ – Скопје.

– Чувствувам мотивација, задоволство што ќе се соочиме со клуб како Тотенхем, како и јас кој професионално ќе се соочам против еден од најдобрите тренери во светот, Жозе Мурињо.

Има моменти кога не е важно колку си голем, туку колку далеку имаш желба да одиш, да го дадеш најдоброто на теренот – вели тренерот на Шкендија, Ѓока.

Потсетување дека во првите две квалификациски кола македонскиот претставник како гостин ги елиминираше Сумгајот од Азербејџан (0:2) и романскиот Ботошани (0:1), додека премиерлигашот од Лондон во Бугарија со 1:2 триумфираше над Локомотив Пловдив во второто квалификациско коло на ЛЕ.

Мурињо пред Шкендија: Ваквите мечеви се потешки од оние во групната фаза!