Годинава убиени 28 жени во Србија

Само во текот на оваа  година, до ноември, во Србија се убиени 28 жени, информира српскиот  омбудсман Зоран Пашалиќ, пишува весникот „Вечерње новости”.

По повод 25 ноември, Меѓународниот ден на борбата против насилството врз жените, омбудсманот Пашалиќ посебно внимание посвети на значењето на прифаќањето на Националната стратегија за спречување и борба со насилството во семејството и партнерските односи, информира весникот.

Според Пашалиќ, особено внимание треба да се посвети на спречувањето на насилството врз жените на село, на жените со инвалидност и ромските жени, како и на развојот на услугите во заедницата, за да може на жените жртви на насилсто да им се укажат сите видови поддршка за пријавување на насилството, како и помош за тоа тие да станат самостојни.

Пашалиќ уште и кажа дека голем проблем претставува тоа што жените жртви на насилство немаат можност со своите деца да го напуштат насилникот, бидејќи не се финаниски обезбедени.

-Доколку, сепак, се решат на таков чекор тие прифаќаат дека ќе живеат во економска несигурност, изјави српскиот омбудсман.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот