Годинава тешко дека ќе се отворат преговорите и за Македонија и за Албанија, вели Вархеји
Годинава тешко да се започнат преговорите за ЕУ и за Албанија и за Македонија рече европскиот комесар за проширување Оливер Вархеји, во Европскиот парламент, за време на дебатата за состојбата на Западен Балкан – 25 години по Дејтонскиот договор.
Тој зборуваше во Комитетот за надворешна политика на Европскиот Парламент.
-Во поглед на Македонија и Албанија, морам да признаам дека сè уште имам надеж, но се помалку надеж дека ќе успееме да ја донесеме таа одлука годинава, да ја утврдиме преговарачката рамка за двете земји. Но, вложуваме многу енергија со германското претседателство да се обидеме тоа да се случи. Да ја искористам приликата која ја имам пред парламентите кои учествуваат во оваа дебата, директно или индиректно да ни помогнат да постигнеме решение за ова, затоа што мораме да донесеме решение по ова прашање, во спротивно Европската Унија го ризикува кредибилитетот доколку да не го испорача даденото ветување кога ги започнавме преговорите со двете држави. И исто така, Македонија треба да направи дополнителни напори да излезе во пресрет со бугарските стравувања и да се обиде да најде решение кое е еднакво прифатливо за двете земји, рече еврокомесарот за соседска политикаи проширување.
At interparl committee hosted by @EP_ForeignAff: It’s all the more important that we design recovery together with #WesternBalkans. We are ready and this is why we have made our proposals. The investment package is at the heart of this plan. My remarks: https://t.co/GfGNwvYVaD
— Oliver Varhelyi (@OliverVarhelyi) December 2, 2020