Го понесе моментот: Раперот Дрејк за првпат со фановите сподели слика од својот двегодишен син (ФОТО)
Канадскиот рапер Дрејк ја сподели првата фотографија од својот двегодишен син Адонис на социјалните мрежи.
Славниот музичар во понеделникот на Инстаграм објави емотивна објава за тоа колку му недостигаат семејството и пријателите поради изолацијата во која се наоѓа како резултат на коронавирусот.
„Она што за вас моментално е најважно е да ја најдете светлината во вас самите“, напиша Дрејк на Инстаграм, објавувајќи серија од фотографии од своите најмили, вклучувајќи го и синот Адонис со кдрава коса.
„Ова ќе доведе до најголемо отворање кај сите луѓе. Верувајте дека ја имате сета сила во себе тоа да се случи и затоа поврзете се со луѓето и работите кои ви носат радост“, додава Дрејк во објавата.
Музичарот, чие вистинско име е Обри Дрејк Грејам, во својата филозофска порака ги повика сите свои следбеници „да се ослободат од стрес и паника и да му се отворат на својот свет“.