Симпатичното момче кое во 1982 година ги покори киносалите ширум светот со улогата во филмот E.T., Хенри Томас, денес има 48 години и води битка со зависноста од алкохолот. Некогашната детска ѕвезда потполно подлегна под притисокот на славата.

Пред 37 години го играше ликот на момчето Елиот, во прочуениот филм на Спилберг, па дури и беше номиниран за Златен глобус и доби награда за најдобар млад актер на годината. Минатата година се врати на големата врата со улога во серијата „The Haunting of Hill House“, која е прогласена за најстрашната серија на сите времиња.

Меѓутоа среќата не траеше долго, бидејќи неделава беше уапсен во Вашингтон, поради возење во алкохолизирана состојба. Според наводите од полицијата, во автомобилот немало необични мириси, ниту пак назнаки дека Хенри е пијан, но го застанале поради пребрзото возење. Дури при разговорот полицијата приметила дека тој е во алкохолизирана состојба, па го одвеле во полициската станица на трезнење.

Следното утро актерот бил пуштен од затворот, но познато е дека води долга борба со алкохолот, па се претпоставува дека ова непријатно искуство со полицијата нема да го тргне од неговата лоша навика.