Шаповалов верува дека следната година ќе има промени, но тоа не значи дека ќе се откажат Новак Ѓоковиќ, Рафаел Надал и Рожер Федерер.

– Сигурен сум дека ќе има многу изненадувања следната сезона. Големата „тројка“ и натаму е активна и уште игра добро. Но, порано или подоцна, ќе биде симната од врвот. Само треба да бидеме трпеливи – рече Шаповалов.

Ѓоковиќ има 32 години, Надал една повеќе, додека Федерер има 38 години. Иако се приближува до својата 40 година, Швајцарецот неодамна даде изјава во врска со завршувањето на кариерата. Шаповалов наведе неколку играчи за кои верува дека ќе доминираат во светскиот тенис во блиска иднина.

– Помладите играчи полека почнуваат да се искачуваат на АТП-листата. Медведев навистина направи голем напредок во последните месеци. Сигурен сум дека многумина ќе го следат, има толку многу талентирани момци. Тука се уште Френсис Тијафо, Стефанос Циципас, Александер Зверев – додаде Канаѓанецот.

Шаповалов има 20 години и моментно се наоѓа на 27 позиција на АТП ранг листата. Турнирот во Стокхолм (Шведска) беше првиот пехар во кариерата, а нема сомнение дека ќе ги има уште многу во неговата иднина.