Џони Деп поднел тужба против поранешната сопруга Амбер Херд, а како доказ за нејзиното насилно однесување во медиумите објавил фотографија на која се гледа дека е повреден.

Тој од Амбер побарал да му исплати 50 милиони долари поради повредите и клеветите од нејзина страна. Нејзиниот одговор на тоа беа фотографии на кои се гледаат модринки на нејзиното лице и искорнати прамени коса. Таа тврди дека тоа ѝ го направил Деп, кој бил насилен поради пијанства и љубомора.

Таа исто така тврди дека актерот ѝ го руинирал станот, особено поради љубомора кога таа снимала со Џејмс Франко.

На тоа, Џони Деп одговорил само со фотографија која досега не излегла во јавноста, а на која се гледа како тој прима медицинска помош, после повредите кои му ги нанела Амбер.

Фотографијата датира од 2015 година, но актерот решил да ја употреби токму сега, кога разводот со Амбер кулминира, а на виделина излегуваат реалните причини.

Како што наведува тој, пред да биде снимена фотографијата, Амбер го удрила со стаклено шише, а потоа му нанела изгореница со запалена цигара.