Златан Ибрахимовиќ по одлуката да инвестира во Хамарби го навлече бесот на навивачите на поранешниот клуб кои во последните неколку недели не му даваат мир на фудбалерот. Хамарби е најголем ривал на Малме, тимот во кој Ибрахимовиќ ја започна фудбалската кариера, и навивачите не можат да му го простат „предавството“.

Поради тоа тие веќе неколку пати ја оштетија статуата на Швеѓанецот која се наоѓа пред стадионот на Малме, а не беше поштеден ниту неговиот дом во Стокхолм на кој на влезната врата му беше напишано „Јуда“, а поштенското сандаче беше полиено со солна киселина.

Вчера повторно беше оштетена статуата, неидентификувани вандали со пила се обиделе да ја исечат статуатан на Ибрахимовиќ.

Vandals have tried to saw through the feet of a statue of Zlatan Ibrahimovic.

More ➡ https://t.co/rF6kbiyvZc#bbcfootball pic.twitter.com/wopgHAj8VF

— BBC Sport (@BBCSport) December 12, 2019

– Некој со пила се обидел да ја исече ногата на статуата. Постои опасност таа да падне, па поради тоа поставивме ограда околу неа – изјави Ева-Гун Вестфорд, портпаролката на полицијата во Малме.

Уметникот Петер Линде кој ја изработи статуата на Ибрахимовиќ ги повика луѓето да престанат со вандализмот.

– Луѓето се однесуваат како да се во војна, но ова не е војна туку фудбал. Лудост е некој да може да почитува тоа што Златан е слободен човек. Сакам да се обнови статуата, а луѓето кои го направија овој гнасен чин да се уапсат и за да сфатат колку се глупави – истакна Линде.