Фудбалската федерација на Бразил побара од ФИФА да ги казни англиските премиерлигаши кои не сакаат да ги пуштат своите фудбалери да играат за репрезентациите во квалификациите за СП 2022 година.

Причината поради која англиските екипи не ги пуштаат репрезентативците од јужноамериканските држави бидејќи тие се наоѓаат на „црвената листа“ на британската влада како земји каде ситуацијата со коронавирусот е критична.

Бразил и Аргентина се дел од државите кои се наоѓаат на црвената листа на британската влада, а бразилците имаат репрезентативци кои настапуваат во Челси, Ливерпул, Лидс, Евертон, Манчестер јунајтед и Манчестер сити, но за септемвриските квалификациите најверојатно нема да можат да сметаат на нив.

Причината за одбивањето на англиските екипи да ги пуштат своите фудбалери да играат за репрезентациите во квалификациите се поради тоа што по нивното враќање во Англија ќе мора да поминат десет дена во карантин и со тоа нема да можат да им помогнат на стартот од новата сезона во европските клупски натпреварувања.