Официјален Техеран категорично ги отфрлиа наводите од САД дека го планирал обидот за атентат врз старо-новиот американски претседател Доналд Трамп, по вчерашното обвинение од американското Министерство за правда, јавува агенцијата „Анадолу“.

Според портпаролот на иранското Министерство за надворешни работи, Есмаил Багаи, таквите наводи се „целосно неосновани“.

Тој додаде ова не е првпат Иран да биде слично обвинет, како и дека повторувањето на ваквите наводи во последните денови е „гнасен заговор“ чија цел е дополнително да ги усложни односите меѓу САД и Иран.

Пред неколку недели предизборниот тим на Трамп објави дека бил информиран од американската тајна служба за реални и конкретни закани од Иран за негово убиство. Американското правосудство вчера покрена обвиненија против тројца мажи, кои, исто така, се обвинети за заговор за атентат на ирански дисидент. По тројцата осомничени се издадени налози за апсење.