Првите три натпревари од големото финале во НБА лигата помеѓу Лос Анџелес лејкерс и Мајами хит имале најниска гледаност во САД откако се бележат податоците за гледање натпревари на ТВ екраните во директни преноси.

Првиот натпревар од финалето го гледале 7.57 милиони луѓе, вториот 6.9 милиони, а бројките се уште помали за третиот натпревар. Првата победа на Мајами во финалната серија во живо пред ТВ екраните ја гледале само 6.93 гледачи.

Досегашниот негативен рекорд во гледаност го држеа екипите на Сан Антонио спарс и Њу Џерси нетс од 2003 година со 8.06 милиони.

Голем удел во намалената гледаност на финалето во НБА лигата има и најпопуларниот спорт во САД, НФЛ лигата. Имено, третиот натпревар од финалето помеѓу Лејкерси и Мајами започна 55 минути пред специјализираната НФЛ емисија „Sundau Night Football“ и натпреварот помеѓу Филаделфија и Сан Франциско кој го следеле 15 милиони гледачи.